JANG

Jang ka bhi alag hi dastoor hai..

Kissi ke lie intekaam hai, kissi ka imtehaan hai..

Kissi ki buland awaz hai, kissi ki khuafnak raat hai..

Koi jaan le raha hai beparwah, koi de raha hai begunah..

Koi aa raha hai lekar aakrosh, koi chip raha hai khamosh..

Jang ka bhi alag hi dastoor hai..

Lekar jaan hatheli par, chal die tabaah karne..

Lekar ummeed lautne ki, nikle the sapne bharne..

Maar giraya jissko dekha, laal hue sab nazaare..

rehem ki bheekh mangte, ho gae allah ko pyare..

Jang ka bhi alag hi dastoor hai..

Ek insaan kar raha insaniyat ko khatm hai..

Doosre ko maar, bhar raha apne zakhm hai..

Sunn ae bande, wo jo tujhse keh raha hai..

Jissne di zindagi, wo tujhe hi lete dekh raha hai..